Тауарлар
Қызметтер
Тасымалдау қызметі
Алматы облысында ауыл шаруашылығы кооперативінің төрағасы асыл тұқымды мал шаруашылығын субсидиялауға бөлінген 50 млн теңгені жымқырған. Бұл туралы Қаржы мониторингі агенттігінің баспасөз қызметінен хабарлады.
"2023 жылы Ұйғыр ауданындағы ауыл шаруашылығы өндірістік кооперативінің төрағасы қой басының болуы және оларды ұрықтандыру тәсілі туралы дұрыс емес мәліметтерді пайдалана отырып, заңсыз 50 млн теңге субсидия алды. Өзінің қылмыстық табысын заңды айналымға тарту мақсатында кооператив төрағасы субсидиялау шарттарына қайшы келіп түскен бюджет қаражатының бір бөлігін кооператив депозитіне аударған, ал келіп түскен дивидендтерді өз қажеттіліктеріне пайдаланған", - деп хабарлады Агенттікттен.
Сот үкімімен кооператив төрағасы бюджет қаражатын ұрлағаны, қылмыстық табысты заңдастырғаны үшін кінәлі деп танылды. Оған алты жылға бас бостандығынан айыру жазасы тағайындалды.
