Қазақстанда күздік бидай өнімділігінің алдын ала болжамы берілді

Қазгидромет 2024 жылға арналған күздік бидай өнімділігінің алдын ала болжамын шығарды.

Алдын ала есептік деректерге сәйкес, қалыптасқан және күтілетін агрометеорологиялық жағдайды ескере отырып, Алматы, Жамбыл, Жетісу және Түркістан облыстарында күздік бидайдың өнімділігі орташа көпжылдық шамада күтіледі.

Алматы облысының Ұйғыр ауданында (23-25 ц/га), Меркі ауданында (19,4-21,4 ц/га), Рысқұлов ауданында (20,8-22,8 ц/га), Жамбыл облысының Шу ауданында (21,8-23,8 ц/га), сондай-ақ Түркістан облысының Қазығұрт ауданында (22-24 ц / га) күздік дақыдардың өнімділігі нормадан жоғары болады деп күтілуде.

Оңтүстік облыстардың аудандары бойынша өнімділік болжамы AgroData фермер қосымшасында қолжетімді.https://agrodata.kz/

Өсімдіктердің генеративті органдарының қалыптасу кезеңіндегі метеорологиялық жағдайларды ескере отырып, күздік бидай өнімділігінің түпкілікті болжамы маусымның бірінші онкүндігінде жарияланады.