Азық-түлік корпорациясы биржада өнім саудасын бастайды

"Азық-түлік корпорациясы" ұлттық компаниясы "Еуразиялық Сауда Жүйесі" тауар биржасында ауыл шаруашылығы өнімдерін сатуды бастайды. Бұл туралы корпорацияның баспасөз қызметі хабарлады.

Сауда-саттық дүйсенбіден жұмаға дейін, сағат 10:00-ден 17:00-ге дейін қосарланған қарсы аукцион режимінде жүргізілетін болады.

Тауар биржасында өткізу үшін ауыл шаруашылығы өнімдерінің келесі түрлері орналастырылған:

1. Triticum Aestivum L3 жұмсақ бидайы, 3-класты 2021-2022 жылғы егін;
2. Зығыр, 2022 жылғы егін;
3. 2-класты арпа, 2022 жылғы егін.
   

Қосарланған қарсы аукцион режимі - сатушылар мен сатып алушылардың бәсекелестігі нәтижесінде биржалық сауда-саттық жасырын түрде жасалатын және стандартталған тауардың бағасы сұраныс пен ұсыныстың тепе-теңдік деңгейінде белгіленетін сауда режимі.