Азық-түлік корпорациясы 2024 жылы 300 мың тоннадан астам астық өткізді

Жыл басынан бері Азық-түлік корпорациясы 33 млрд теңгеге 300 мың тоннадан астам астық сатты. Негізгі сатып алушылар құс және мал шаруашылығы, сондай-ақ өңдеу кәсіпорындары болды. Бұл туралы Азық-түлік корпорациясының баспасөз қызметі хабарлады.

Сондай-ақ, сатылған астықтың жалпы көлемінің 80 мың тоннасы экспортқа сатылды.

"Жыл басынан бері Азық-түлік корпорациясы Қытайға бидай, арпа және зығыр тұқымын жеткізуге 11 экспорттық келісімшарт жасады. Бүгінгі күні өткізу қабілетін арттыру және жедел жөнелту бойынша мемлекеттік органдармен және ұлттық тасымалдаушымен тығыз жұмыс жүргізілуде", - деп атап өтті Азық-түлік корпорациясында.

Сонымен қатар, корпорация тауар биржасында биржалық сауда-саттық арқылы астық өткізуді жалғастыруда.

Бұл ретте Азық-түлік корпорациясының ағымдағы қорлары ішкі және сыртқы нарықтардағы сауда көлемін ұлғайтуға мүмкіндік беретіні атап өтілді. Қазіргі уақытта ресурстарда шамамен 1,2 млн тонна астық бар.

Азық-түлік корпорациясы сатудан алынған қаражатты қарыздар бойынша пайыздарды өтеу үшін және жаңа егіннің астығын жыл сайын сатып алу үшін пайдалануды жоспарлап отыр.