Азық-түлік корпорациясы бір жыл ішінде 600 мың тоннадан астам астық сатты

Азық-түлік корпорациясы 2024 жылы 613 мың тонна астықты сатуға келісімшарттар жасасты, оның 407,5 мың тоннасы жөнелтілді. Астықтың ең үлкен көлемін қазақстандық мал шаруашылығы және өңдеу кәсіпорындары сатып алды. Бұл туралы Корпорацияның баспасөз қызметі хабарлады.

Экспорт мүмкіндіктерін кеңейту үшін Азық-түлік корпорациясы өткен жылы ірі мемлекеттік Қытай корпорацияларымен ынтымақтастықта болды. Атап айтқанда, COFCO агрохолдингімен дәнді және майлы дақылдарды жеткізуге үш жылдық келісімшарт жасасу туралы уағдаластықтарға қол жеткізілді. Jiangsu Soho HoldingsGroup компаниялар тобымен 200 мың тонна қазақстандық жемдік арпаны жеткізуге негіздемелік келісімшартқа қол қойылды.

Сонымен қатар, Citic Group өкілдерімен Қазақстан аумағында дәнді және майлы дақылдарды терең өңдеу зауытын салу перспективалары талқыланды. Жобаны іске асырудың бастапқы кезеңінде жыл сайын шикізат жеткізілімі 300 мың тоннаны құрауы мүмкін. Ақмола облысында Dalian hesheng Holdings холдингімен бірлесіп тағы бір қайта өңдеу кешенін салу жоспарлануда. Алдымен зауыт жылына 1 миллион тонна бидай өңдейді деп болжануда.

Сонымен қатар, ұзақ уақыт ішінде алғаш рет Азық-түлік корпорациясы Иранға арпа жеткізуді жолға қойды, қазірдің өзінде 30 мың тоннаға экспорттық келісімшарт жасалды. Сондай-ақ, астық операторы мемлекеттік азық-түлік резервін толықтыруға арналған өсімдік шаруашылығы өнімдерін Орталық Азия елдеріне жөнелтуді жалғастырды.