Азық-түлік корпорациясы Қытайға астық жеткізу туралы Меморандумға қол қойды

Азық-түлік корпорациясы мен CITIC Construction компаниясы Қытайға қазақстандық астықты жеткізуді көздейтін ынтымақтастық туралы Меморандумға қол қойды. Құжатқа 30-шы Қытайдың Янлиндегі ауыл шаруашылығы саласындағы жоғары технологиялық жетістіктер жәрмеңкесі аясында қол қойылды. Бұл туралы Азық-түлік корпорациясының баспасөз қызметі хабарлады.

"Қол қойылған құжатқа сәйкес, Азық-түлік корпорациясы CITIC үшін астық жеткізу саласында артықшылыққа ие болады, тараптар да Қазақстанда ауыл шаруашылығы жобаларын іске асыруда басым тәртіппен ынтымақтасатын болады. Бұдан басқа, келісім Қытай мен Қазақстанның астық нарықтарындағы ахуал туралы ақпарат алмасуды көздейді", - деп хабарлады баспасөз қызметі.

Азық-түлік корпорациясы сейсенбіде Янлин қаласында басталған ауыл шаруашылығы саласындағы жоғары технологиялық жетістіктер жәрмеңкесіне қатысуда. Алаң ауыл шаруашылығы өнімдерін өткізу нарығын кеңейтуге мүмкіндік береді. Бес күндік іс-шараға әлемнің 39 елінен 1500-ден астам ұйым жұмылдырылды.

CITIC корпорациясы Қытайдағы ең ірі мемлекеттік инвестициялық корпорациялардың бірі. CITIC Construction Қазақстанның ауыл шаруашылығы саласына инвестициялар тартуға жауапты корпорацияның еншілес құрылыс компаниясы болып табылады.