Азық түлік корпорациясы Қытай компанияларымен астық жеткізу туралы келісімдер жасады

Азық-түлік корпорациясы ҚР Ауыл шаруашылығы министрлігі делегациясының Қытайға сапары кезінде стратегиялық қытайлық серіктестермен ынтымақтастық туралы келісті, деп хабарлады АШМ баспасөз қызметі.

Азық-түлік корпорациясының басқарушы директоры Рустам Жанатаев Citic Group мемлекеттік корпорациясының өкілдерімен Қазақстан аумағында астық пен майлы дақылдарды терең өңдеу зауытын салу мүмкіндіктерін талқылады. Объект пайдалануға берілген жағдайда Ұлттық астық операторы өндірісті жүктеу үшін отандық аграршылардың ауыл шаруашылығы өнімдерін тұрақты негізде жеткізуге дайын. Бірінші кезеңде жыл сайынғы жеткізу көлемі 300 мың тонна ауыл шаруашылығы өнімін құрауы мүмкін.

Тараптар келісімдерді меморандуммен бекітті.

Сондай-ақ, азық-түлік корпорациясы мен қытайлық Jiangsu SOHO HoldingsGroup 200 мың тоннаға дейінгі көлемде қазақстандық жемдік арпаны жеткізуге келісімшартқа қол қойды.

Сонымен қатар, Қытайдың ірі агроөнеркәсіптік кәсіпорындарының қатысуымен өткен дөңгелек үстел барысында Рустам Жанатаев әлеуетті инвесторларға Азық-түлік корпорациясы арқылы форвардтық қаржыландыру бағдарламасына қатысуды ұсынды.

"Қазақстандық фермерлерді ұлттық астық операторының кепілдігімен аванстау астық пен майлы дақылдарды белгіленген мерзімде және белгіленген бағамен жеткізуді қамтамасыз етуге мүмкіндік береді", - деп түсіндірді ол.

Осыған ұқсас тәжірибені қазақстандық жасымық импортына мүдделі түрік компаниялары сынап көрді.