Ақмола облысында құрама жем өндірісі іске қосылады

"ЧК Unicorn Holdings LTD" ЖШС Ақмола облысында өндірістік қуаты жылына 157 мың тонна өнім шығаратын құрама жем зауытының құрылысын жүргізуде. Бұл туралы ҚР Ауыл шаруашылығы министрлігінің баспасөз қызметі хабарлады.

Инвестициялық жобаның құны 6 млрд теңгені құрайды. Зауыттың бірінші кезегі 2024 жылдың төртінші тоқсанында пайдалануға беріледі деп жоспарлануда. Қазіргі уақытта құрылыс-монтаждау жұмыстары, аумақты абаттандыру және өрт дабылы жүйелерін қоса алғанда, жабдықтарды орнату жұмыстары белсенді жүргізілуде.

Ауыл шаруашылығы министрлігінде құрама жем өндіру кезінде жергілікті ауыл шаруашылығы өндірушілерінің шикізаты пайдаланылатынын атап өтті.