Атырау облысында ет өнімдерінің өндірісі іске қосылды

Атырау облысы Құрманғазы ауданының Көнеу ауылында өткен жылы сою цехы ашылған болатын. Енді ет өнімдерін шығару бойынша өндіріс іске қосылды, деп хабарлады аудан әкімдігінің баспасөз қызметі.

Жаңа кешенде ет өңдеудің толық процесі жолға қойылған. Мұнда мал союға арналған жабдық, зертхана, 200 текше метр мұздатқыш камера, ет өнімдерін дайындауға арналған алаң бар. Процесс Халал халықаралық стандартына негізделген.

"Күніне 4-5 бас ІҚМ қабылдаймыз. Союдан кейінгі ет мұздатқыштарға орналастырылады. Біз екі бағытта жұмыс істейміз: біріншісі - тұрғындар малдарын союға әкеліп, ет алады, екіншісі - ет халал өнімдер дүкеніне орталық азық-түлік нарығына жеткізіледі. Әрі қарай, халық арасында үлкен сұранысқа ие еттен тартылған ет пен жартылай фабрикаттарды дайындайды. Бүкіл процесс санитарлық-ветеринарлық талаптарға сәйкес жүреді. Аудан орталығынан мал сою цехында өз малдарын сойып жатқан ет сатушылар да бізге жүгінеді", - деді сою кешенінің директоры Алтынбек Дайынов.

Оның айтуынша, бүгінде мал сою кешені қолда бар ауыл шаруашылығы мақсатындағы 60 гектар жердің 0,2 гектарын алып жатыр. Қалған алаңда фермер жылқы өсіріп, мал базарын салуды жоспарлап отыр.