Ақмола облысында құс етінен жартылай фабрикаттар өндірісі іске қосылды

Қосшы қаласында (Ақмола облысы) Қазақстанда және Орталық Азияда тауықтың төс етінен жасалған дайын жартылай фабрикаттар өндіретін алғашқы жоғары технологиялық зауыт іске қосылды. Жобаны Qazaqstan Investment Corporation (QIC, "Бәйтерек" ҰБХ еншілес ұйымы) қолдауымен IL-TOV компаниясы іске асырды.

"Азық-түлік желісінде 100 % дайындалған және кейіннен қарқынды мұздатуға жіберілген котлеттер, шницельдер, митболдар, стрипстер мен түйіршіктер бар", - деп хабарлады QIC-те.

Зауыт шикізатты Макинск құс фабрикасынан алады. Қазіргі уақытта өндірістік желінің қуаты жылына 3 346 тонна дайын өнімді құрайды. Келешекте өндірісті жылына 10-12 мың тоннаға дейін ұлғайту жоспарлануда.

Осы уақытқа дейін ұқсас тауықтан жартылай фабрикаттар Қазақстанға көрші елдерден толық импортталды. Қуаты кеңейгеннен кейін IL-TOV зауыты Қазақстанның осы өнім түріне қажеттілігін қамтамасыз етеді.

Qazaqstan Investment Corporation - Қазақстанның тұрақты экономикалық дамуына жәрдемдесу мақсатында Қазақстанда private equity инфрақұрылымын дамыту негізгі миссиясы болып табылатын, 2007 жылы құрылған тікелей инвестициялар қорларының қоры.