Қазақстанда Жетісу облысындағы Лепсы ауылында 2023 жылғы 15-18 маусымда LEPSI 2023 халықаралық ауыл шаруашылығы көрмесі өтті.
Көрмеге алыс, сондай-ақ жақын шетелден келген аграрлық сектордың өкілдері, отандық фермерлік қожалықтар және АШМ мен әкімдіктердің қызметкерлері қатысты.
Іс-шараға қатысушыларға заманауи ауыл шаруашылығы техникасы мен жабдықтары ұсынылды.
Көрмеде "Абсолютті чемпион 2023"атағын алған ірі қара малдың бес тұқымы арасындағы бұқа-чемпион байқауының қорытындысы бойынша анықталды. Бұл Дон Жуан есімді герефорд тұқымының бұқасы. Оны Қостанай облысының "Олжа-Беляевка" ЖШС ұсынды. Бұқаның жасы - 14 ай, ал тірі салмағы-445 кг.
Іс-шараны Қазақстан Ангус республикалық палатасы мен "ZHERSU" АӨК ұйымдастырды.
Көрменің барлық қатысушылары қазақстандық асыл тұқымды орталықтардың жетістіктерімен, сондай-ақ ауыл шаруашылығы техникасымен және жабдықтарымен танысты.
«LEPSI 2023 аясында Қазақстанның мал шаруашылығын дамытуға үлес қосқан сала қызметкерлері "Еңбек ардагері" медальдарымен, "Ауыл шаруашылығы саласының үздігі" төсбелгілерімен, сондай-ақ ауыл шаруашылығы министрінің Құрмет грамоталарымен және алғыс хаттарымен марапатталды», – деп хабарлады ҚР АШМ баспасөз қызметі.
