Батыс Қазақстан облысында, Бәйтерек ауданы Макаровка ауылында құс фабрикасы іске қосылды. Жоба "Ауыл аманаты" жобасы аясында қаржыландырылды, деп хабарлады облыс әкімінің баспасөз қызметі.
Құс фабрикасының қуаттылығы жылына 900 мың жұмыртқаны құрайды.
"Ауыл аманаты" бағдарламасы ауыл халқының табысын арттыру, ауылдағы шаруаларды, шағын және орта бизнесті қолдау мақсатында іске қосылды. Батыс Қазақстан облысында 2023 жылы бағдарлама шеңберінде бизнесті дамытуға 6 млрд 400 млн теңге сомасына 987 несие берілді. Жобаларды іске қосу және дамыту нәтижесінде 900-ден астам жұмыс орны құрылды. 2024 жылы 1,5 млрд сомасында 116 несие берілді, 200 жұмыс орны құрылды.
Биыл "Ауыл Аманаты" бағдарламасы аясында ауылдық жерлерде 815 адамға шағын несие беру арқылы 886 жұмыс орнын құру жоспарлануда.
Сондай-ақ, 2024 жылы Батыс Қазақстан облысының әкімдігі мен өңірдің ірі мұнай-газ өңдеу компаниясы - "Қарашығанақ Петролеум Оперейтинг Б.В." (KPO B.V.) арасында облыс шаруашылықтарының өнімдерін сату бойынша меморандум жасалды. Қазіргі уақытта бұл бағытта ауыл шаруашылығы өнімдерін сатып алу жүзеге асырылуда. Ірі кәсіпорындар KPO B.V. өнімдерін 342 млн теңгеге сатты.
"Президент халыққа Жолдауында "Ауыл аманаты" бағдарламасының ет, сүт, астықты терең өңдеу бөлігіндегі маңыздылығын атап өтті. Енді біз тиісті көмекті сезінудеміз. Бағдарламаның қолдауымен біз құс фабрикасын аштық. Облыстық бюджет есебінен біз техниканы лизингке алдық. Сондай-ақ, біздің облыста Қарашығанақ компаниясына өз өнімдерімізді тікелей сатуға мүмкіндігіміз бар. Бұл біз үшін үлкен қолдау", - деді кәсіпкер Әлібек Ғабдулов.
