Құс өсірушілер одағының төрағасы Руслан Шәріпов Қазақстанға құс өсірушілерге жеткізу үшін Ресей бидайын автокөлікпен әкелуді қайта бастау қажет деп санайды, өйткені қазақстандық бидайдың қымбаттауы елде өндірілетін жұмыртқа мен құс етінің өзіндік құнына әсер етеді. Бұл туралы сарапшы FoodExpo Qazaqstan 2023 көрмесі аясындағы форумда мәлімдеді, деп жазады ElDala.kz.
Руслан Шәріпов атап өткендей, жақында Ресей Қазақстаннан жұмыртқа мен құс етінің импортын қайта бастады және жөнелтілімдер жүріп жатыр. Бұл Қазақстанның ішкі нарығында осы өнімге бағаның өсуіне әкелуі мүмкін.
Бұл тәуекелді бейтараптандыру үшін Руслан Шәріпов бидайды Ресейден Қазақстанға автокөлікпен әкелуге рұқсат беру қажет деп санайды. Оған 2023 ж. сәуір айында тыйым салынды. Нәтижесінде қазақстандық құс өсірушілер астық бағасы Қазақстандағыдан екі есе төмен Ресейдегі әріптестерімен тең емес жағдайға тап болды. ҚР құс фабрикалары қазір бидайды тоннасына орта есеппен 120 мың теңгеден сатып алуда. Ресейде бағасы - 12 мың рубль (60 мың теңге).
