Тоқаев астық нарығын тұрақтандыру алгоритмін әзірлеуді тапсырды

Көршілес елдердегі ұлттық валюталардың жағдайы Қазақстан үшін маңызды тауарларға бағаның ауытқу ықтималдығын күшейтуде. Осыған байланысты Үкіметте ішкі астықты және Ұлттық экономика үшін маңызды басқа да нарықтарды тұрақтандырудың нақты және ашық алгоритмі болуы тиіс. Бұл туралы ҚР президенті Қасым-Жомарт Тоқаев отандық бизнес өкілдерімен кездесуде мәлімдеді, деп хабарлады Ақорданың баспасөз қызметі.

"Бизнес қандай жағдайда бағаны тұрақтандыру құралының қандай түрін мемлекет қолданатынын нақты түсінуі тиіс. Бұл ауыл шаруашылығы шикізатын белгіленген бағамен сатып алу, ЖЖМ импортына тыйым салу, тауарлық интервенциялар енгізу, экспортқа немесе квоталауға тыйым салу болсын", - деді Мемлекет басшысы.

Сондай-ақ, ол орта мерзімді перспективада кәсіпорындарды қолдаудың нарықтық емес тетіктерінен, негізінен саланың басымдылығына, жобаның маңыздылығына және оның экономикаға ықпалына қарамай, үздіксіз субсидиялаудан кезең-кезеңімен бас тарту керек деп мәлімдеді.

"Кепілдік беру тетіктеріне және қаржылық емес қолдау шараларына көшу керек. Мемлекеттік бағаны реттеу мен шектеулер сұраныс пен ұсынысты "оңтайлы басқарумен" алмастырылуы керек. Осы тұрғыда, мен Жолдауда айтқанымдай, Азық - түлік корпорациясының әлеуетін толық ашу қажет",-деді Қасым-Жомарт Тоқаев.

Ол үкіметке мемлекеттік қолдау шараларының тетіктерін сапалы қайта жүктеуді қамтамасыз етуді, қолдау шараларын алушылардың ашық бірыңғай тізілімін құруды пысықтауды тапсырды. Бұл кәсіпорындардың тар шеңберіндегі ресурстардың шамадан тыс шоғырлануын болдырмауға, сондай-ақ мемлекеттік көмектің тиімділігін объективті және жедел бағалауға мүмкіндік береді.

"Төленген салықтарды ұлғайту, жаңа сапалы жұмыс орындарын құру және өнімнің елішілік құндылығын арттыру, экспорттық әлеуетті дамыту негізінде қолдау шараларының тиімділігін бағалау қажет. Мемлекеттік қолдау көрсетуді автоматтандыру және оның тиімділігін бағалаудың дұрыстығын қамтамасыз ету үшін үкіметке цифрлық технологияларды белсенді енгізу, шешім қабылдау процестерін автоматтандыру қажет", - деп түйіндеді мемлекет басшысы