Қазақстандық астықты экспортқа өткізумен Азық түлік корпорациясы айналысады

Ауыл шаруашылығы министрлігі ҚР агроөнеркәсіптік кешенін дамытудың 2021 – 2030 жылдарға арналған тұжырымдамасына түзетулер жобасын әзірлеп, талқылауға шығарды. Атап айтқанда, Азық-түлік келісімшарттық корпорациясының функцияларын, оның ішінде қазақстандық астық экспортына жәрдемдесу бөлігінде кеңейту жоспарлануда.

Азық-түлік корпорациясының базасында экспорттық орталық құрылады деп болжануда. Қазақстандық өндірушілердің сыртқы нарықтарға қолжетімділігін кеңейту үшін астық нарығы операторы арқылы астық экспортын біртіндеп ұлғайту жоспарлануда. 50% - дан экспорт үлесіне жеткен кезде астық нарығы жөніндегі оператор Қазақстанның бірыңғай экспорттық орталығының функцияларын орындай алады, деп атап өтілді түзетулер жобасында.

Бұдан басқа, АӨК отандық өнімін өткізуді арттыру үшін Ауыл шаруашылығы министрлігі мынадай шараларды қабылдауды ұсынады:

• шетелдік нарықтарда қазақстандық тауарларды ілгерілетумен экспорт географиясын одан әрі кеңейту;
• қосылған құны жоғары өнім экспортын ұлғайту;
• экспортқа бағдарланған өндірістерге инвестицияларды ынталандыру;
• кедендік ресімдеу мен логистикаға байланысты транзакциялық шығындарды қысқарту;
• салықтық жеңілдіктер беру.