Қарағанды облысында рекордтық астық жиналды

Қарағанды облысының аграрлары 1 млн 300 мың тонна астық жинады. Бұл аймақ үшін жоғары көрсеткіш, деп хабарлады облыс әкімінің баспасөз қызметі.

Аграрлық маусымның қорытындысы туралы Өңірлік коммуникациялар қызметінде өткен брифингте Қарағанды облысы Ауыл шаруашылығы басқармасының басшысы Саят Мусин айтып берді.

"Тоғыз айдың қорытындысы бойынша ауыл шаруашылығының жалпы өнімінің өндірісі ұлғайды. Нақты көлем индексі 116,7% құрады. Астық өнімі бойынша ең жоғары көрсеткішке Абай, Бұқар Жырау, Нұра және Осакаров аудандарының шаруашылықтарында қол жеткізілді. Әр гектардан 15 центнер жиналды", - деді Саят Мусин.

Сонымен қатар, картоптың жоғары өнімі алынды - 11,3 мың гектардан 299 мың тоннаға жуық өнім жиналды. Бұл аймақтың ішкі қажеттіліктерін толығымен жабады.

Сондай-ақ, бүгінгі таңда Қарағанды облысында орташа өнімділігі 7 ц/га болатын 23,4 мың тонна майлы дақылдар жиналды.

Жергілікті қоймалар бүкіл егінді сақтауға дайын.

Жергілікті фермерлердің айтуынша, жыл ерекше болды. Жауын-шашын мен дәнді дақылдардың аурулары егін өсіруге кедергі келтірді. Осыған қарамастан, ауыл тұрғындарының еңбегі мен мемлекеттің көмегі жақсы нәтижеге әкелді.