Абай облысының Жетіжар ауылында жергілікті тұрғынның сібір жарасына шалдығуына күдік туғандықтан ТЖ режимі енгізілді. Бұл туралы облыс әкімінің баспасөз қызметі хабарлады.
Бесқарағай ауданының Жетіжар ауылының тұрғыны ПТР-тест тапсырды, қазіргі уақытта ауру әлі зертханалық расталған жоқ.
Сонымен қатар, төтенше жағдайлардың алдын алу және жою жөніндегі жоспардан тыс облыстық комиссияның отырысында халықтың қауіпсіздігін қамтамасыз ету үшін жергілікті ауқымдағы табиғи сипаттағы төтенше жағдай жариялау туралы шешім қабылданды.
"Қазіргі уақытта Жетіжар ауылына кіре берісте санитарлық бекет орнатылып, ауылдан ауыл шаруашылығы өнімдерін әкету уақытша шектелген. Сонымен қатар, жағдайдың туындау себептерін анықтау бойынша тексеру жұмыстары жүргізілуде", - деп хабарлады әкімдікте.
Сібір жарасы ластанған тағамды немесе суды тұтыну арқылы, сондай-ақ терідегі тілітер немесе сызаттар арқылы жұғады.
