Ауыл шаруашылығы кооперативтеріне техника лизингін қаржыландыру нормативтері ұлғайтылады

Ауыл шаруашылығы министрлігі Агроөнеркәсіптік кешен саласындағы жобаларды несиелеу қағидаларына түзетулер пакетін әзірлеуде. Шешім "Ауыл аманаты" бағдарламасының 2023 жылғы нәтижелерін талдау қорытындысы бойынша және өңір тұрғындарының өтініштері нәтижесінде қабылданды. Бұл туралы ҚР премьер-министрінің баспасөз қызметі хабарлады.

Өткен жылы ауыл тұрғындарына бөлінген жалпы сомасы 100 млрд теңгенің 82,4 млрд теңгесі игерілді. Оның 80% – ы мал шаруашылығын дамытуға, 5,2%-ы техника мен жабдық сатып алуға, 4%-ы өсімдік шаруашылығына бағытталған.

"Ауыл аманаты" бағдарламасы еліміздегі ауыл шаруашылығы кооперативтерінің дамуына серпін берді. Өткен жылы Түркістан (75), Ақтөбе (71), Қарағанды (53), Қызылорда (51) облыстарында 407 кооператив құрылды. Өңірлер қолданыстағы ауыл шаруашылығы кооперативтерінің осы бағдарлама бойынша лизингке техника сатып алуға қолжетімді қарыз қаражатын алу мәселесін көтеруде.

"Субсидиялау қағидаларына түзетулер жобасы Ауыл шаруашылығы кооперативтерінің жылдық 2,5% - бен және 5 жылға дейінгі мерзіммен техника лизингін ресімдеу мүмкіндігін көздейді. Қаржыландыру республикалық және жергілікті бюджеттер есебінен жүзеге асырылатын болады. Бағдарлама бойынша ауыл шаруашылығы техникасын сатып алу үшін кооперативтермен біз қаржыландыру нормативін арттырамыз", - деді ауыл шаруашылығы вице-министрі Азат Сұлтанов.

Өз тарапынан вице-премьер Серік Жұманғарин өңірлердің алдына облыстың әр ауданында жыл сайын 1-2 ауыл шаруашылығы кооперативін құруға жәрдемдесу міндетін қойды.