Қазақстанда 2025 жылы ұлттық ауыл шаруашылығы санағын өткізу жоспарлануда. Қаулының тиісті жобасы "Ашық НҚА" порталында жарияланды.
Ұлттық ауыл шаруашылығы санағы:
2025 жылғы 1 тамыздан 31 тамызға дейінгі кезеңде интернет желісі арқылы онлайн режимде (онлайн сауалнама) өткізілетін болады; 2025 жылғы 20 қыркүйектен 20 қазанға дейін планшеттерді пайдалана отырып, интервьюерлермен аралау арқылы болады.
Үкіметтің қаулысымен санақты дайындауға және өткізуге байланысты ұйымдастырушылық және нұсқау беру мәселелерін шешу жөнінде арнайы комиссия құрылатын болады. Комиссияға орталық және жергілікті атқарушы органдардың қызметін үйлестіру жүктеледі.
Санаққа дайындық шеңберінде 2024 жылы ауыл шаруашылығының цифрлық статистикалық тіркелімі қалыптастырылатын болады.
Дайындық жоспарына сәйкес, 2024 жылдың үшінші тоқсанында пилоттық ауыл шаруашылығы санағы өткізіледі, ал 2025 жылдың төртінші тоқсанында ұлттық ауыл шаруашылығы санағының бақылау айналымы өтеді.
2025 жылғы ауыл шаруашылығы санағының қорытындыларын жариялау 2026 жылдың төртінші тоқсанында жоспарланып отыр.
