Сенаторлар үкіметке аграрлық мәселелерді шешу жолдарын ұсынды

Сенаттың Аграрлық мәселелер, табиғатты пайдалану және ауылдық аумақтарды дамыту комитетінің депутаттары Түркістан облысындағы көшпелі отырыста оңтүстік өңірлер аграрларының проблемаларын тыңдады. Ауыл шаруашылығы, Су ресурстары және ирригация, Сауда министрліктерінің өкілдері де қатысқан талқылаудың қорытындысы палата үкіметке жіберетін ұсынымдар пакетін әзірлеу болды. Бұл туралы Сенаттың баспасөз қызметі хабарлады.

Атап айтқанда, эрозияға ұшыраған жерлерді қалпына келтіру бойынша жол картасын әзірлеу, фермерлердің геоботаникалық және топырақ зерттеулерінің нәтижелеріне қол жеткізуін қамтамасыз ету үшін ауыл шаруашылығы жерлеріне аудит және цифрландыру жүргізу ұсынылды.

Сонымен қатар, агроөнеркәсіптік сектордағы ахуалды жақсарту және су ресурстарын басқару үшін сенаторлар субсидияларды нысаналы пайдалануға тоқсан сайын мониторинг жүргізуді, қолайлы инвестициялық орта құруды, заманауи зертханалар санын ұлғайтуды және фитосанитариялық және ветеринариялық бақылауды күшейтуді ұсынды.

Сондай-ақ, жылыжайларды жылытуға және ауыл шаруашылығы техникасын жаңарту деңгейін арттыруға арналған шығындар бойынша мемлекеттік қолдау шараларын қарастыру ұсынылады.