Қарағанды облысында сібір жарасы анықталды

Қарағанды облысының Топар кентінде сібір жарасы ауруы тіркелді. Топар әкімдігінің хабарлауынша, бұл аулалардың бірінде тіркелген жергілікті жағдай.

Кентте карантин енгізілді. Абай қаласының кіреберісінде автомобильдерді санитарлық өңдеуге арналған пост орнатылған. Карантиндік шараларды сақтау үшін Жартас жағынан Топарға екінші кіру уақытша жабылды.

Сондай-ақ, мал мен сүт өнімдерін әкелуге және әкетуге тыйым салынды, мал союға және мал азығы мен жемшөп қоспаларын аумақтан әкетуге тыйым салынды, деп атап өтті әкімдікте.

Қазіргі уақытта кентте ветеринариялық және санитариялық-эпидемиологиялық іс-шаралар жүргізілуде. Жағдай уәкілетті қызметтердің бақылауында.