Тауарлар
Қызметтер
Тасымалдау қызметі
Тамшылатып суару жүйелерін өндіруді Таразда "KAZ Каспий ГИДРО ауыл шаруашылығы технологиясы" компаниясы іске қосуды жоспарлап отыр. Компания бұл жобаға 6 млн доллар инвестиция салуға ниетті. Бұл туралы Жамбыл облысы әкімінің баспасөз қызметі хабарлады.
Қазіргі таңда кәсіпорында өндірістік жабдықтарды орнату жұмыстары басталды. Зауытта 30 жаңа жұмыс орны ашылады.
Облыс әкімі Ербол Қарашөкеев өндірістік алаңға барып, зауытты сәуір айының соңына дейін іске қосуды тапсырды. Облыс әкімі су үнемдеу технологияларын дамыту тек өңір үшін ғана емес, бүкіл республика үшін үлкен маңызға ие екенін атап өтті.
Баспасөз қызметі өндірісті іске қосу қарсаңында көрші облыстардың жергілікті фермерлері мен шаруа қожалықтарынан тапсырыстар келіп түсіп жатқанын атап өтті.
