Павлодар облысының жайылымдарында мал азықсыз қалды

Павлодар облысында ауа-райының қалыптан тыс жағдайларына байланысты (жаңбырмен еру, содан кейін аяз) жылқылар мен басқа да малдардың тебіндее азықтауына қиындық туғызатын кейбір жайылымдарда мұзқатқақ пайда болды. Бұл туралы Облыстық ауыл шаруашылығы басқармасының баспасөз қызметі хабарлады.

Мал өсірушілерді қолдау үшін облыс әкімінің тапсырмасы бойынша "Павлодар" ӘКК арқылы тауарлық несие ретінде жемдік астық бере отырып, өңірлік көмек бағдарламасы әзірленді.

"Оны 2024 жылғы 1 қарашаға дейінгі мерзімде ақшалай қаражатпен не ұқсас сападағы алынған астықтың бірдей көлемімен өтеуге болады. Тауарлық несие кепілсіз және сыйақы (пайыз) есептелмей берілетін болады", - деп түсіндірді АШБ-да.

Тауарлық несие алу үшін шаруа және фермер қожалықтарының басшылары/жетекшілері АШЖБ ақпараттық базасынан үзінді көшірмені (ауыл шаруашылығы жануарларын бірдейлендіру), сондай-ақ нотариалды куәландырылған қайтару кепілдігін ұсынуы тиіс.

Несие алу үшін аудан әкімдіктеріне жүгіну қажет.