Биылғы жылы жазда құрғақшылық пен егін жинау кезеңінде жаңбырдан зардап шеккен фермерлерге сақтандыру компаниялары 3,8 млрд теңгеден астам қаражат төледі. Бұл туралы Аграрлық несие корпорациясының баспасөз қызметі хабарлады.
АКК мәліметтері бойынша, 2023 жылы топырақтағы құрғақшылық пен артық ылғалдан 279 мың га егіс алқабы сақтандырылған. Бұл ретте фермерлердің сақтандыруға жұмсаған шығыстары 330 млн теңгені құрады, сақтандыру сыйлықақысының қалған бөлігі 1 319 млн теңге мөлшерінде мемлекеттік субсидиялар есебінен төленді.
"Егіс және егін жинау науқаны кезінде қолайсыз ауа-райының салдарынан сақтандыру компаниялары өз егістіктерін сақтандырған фермерлердің пайдасына 3 782 млн теңге төледі, оның ішінде: топырақ ылғалдылығының тапшылығын сақтандыру өнімі бойынша 2 896 млн теңге (құрғақшылық); егін жинау науқаны кезеңінде топырақтың артық ылғалдылығын сақтандыру өнімі бойынша 886 млн теңге", - деп хабарлады Аграрлық несие корпорациясы.
АНК алынған сақтандыру төлемдері фермерлерге өз шығындарын жабуға, соның ішінде несие берушілер алдындағы қарыздарын өтеуге мүмкіндік бергенін атап өтті.
Компания шарт жасасудан бастап сақтандыру төлемдерін алуға дейінгі барлық сақтандыру рәсімдері Kezekte.kz платформасында орналастырылған Agroinsurance ақпараттық сервисінде онлайн жүзеге асырылатынын еске салды.
Сақтандыру жағдайының басталуын тіркеу күнделікті космомониторинг арқылы жүзеге асырылады және жүйе адам факторының қатысуынсыз дербес жүзеге асырылады, сақтандыру төлемдерінің мөлшерін есептейді және белгілейді. Бұл ретте ылғал тапшылығы бойынша сақтандыру төлемдері фазалық сақтандыру кезеңі аяқталғаннан кейін ай сайын жүзеге асырылады.
Сақтандыру сыйлықақысының 80% мөлшерінде сақтандыру сыйлықақысын субсидиялау түріндегі мемлекеттік қолдау фермерге жалпы соманың 20% ғана төлеп, сақтандыру полисін сатып алуға мүмкіндік береді.
