АШМ Балық шаруашылығы комитеті балық өнімдерін қайта өңдеуді субсидиялау қағидаларының жобасын әзірледі. Құжат 2025 жылдың 1 қаңтарынан бастап қолданысқа енгізіледі деп жоспарлануда, деп хабарлады АШМ баспасөз қызметінде.
"Қазіргі уақытта балық өңдеу кәсіпорындары балықты терең өңдеуді кеңейтуге мүдделі емес, өйткені олар мемлекеттік қолдау шараларымен қамтылмаған. Қайта өңдеу өнімдерінің өзіндік құнын төмендету және рентабельділігін арттыру мақсатында түпкілікті балық өнімдерін субсидиялау тетігін енгізу ұсынылады. Бұл, өз кезегінде, отандық шикі балыққа, оның ішінде өсірілетін балыққа сұранысты тудырады, сондай-ақ қосылған құны жоғары балық өнімдері экспортының өсуін қамтамасыз етеді және сайып келгенде, саланың экспорттық әлеуетін арттырады", - деп хабарлады АШМ-де.
Ведомствоның мәліметінше, дайын өнімді өндіру және өткізу үшін балық шикізатын кәсіпшілік, көл-тауар, тор және басқа да балық өсіру шаруашылықтарынан сатып алу кезінде балық өңдеу кәсіпорындарына субсидиялар төленетін болады.
Тізімге сәйкес балық шикізатын сатып алу шығындары субсидиялауға жатады: килька, табан балық, торта балық, сазан (тұқы), жайын, дөңмаңдай. Шикізатқа кепілдендірілген сатып алу бағасы белгіленеді.
