Сот Азық түлік корпорациясының қызметкерлеріне пара алғаны үшін 48 млн теңге айыппұл салды

Азықтүлік корпорациясының екі қызметкері – қаржы департаментінің директоры Жұмаділов және бас маман Әбенов Астана қаласының қылмыстық істер жөніндегі ауданаралық сотының шешімімен ауыл шаруашылығы өндірушісінен пара алғаны үшін жалпы сомасы 48 млн теңге айыппұл төлеуге үкім шығарылды. Бұл туралы Сыбайлас жемқорлыққа қарсы іс-қимыл агенттігінің баспасөз қызметі хабарлады.

"Олар кәсіпкерден бұрын құжаттарды жинау бойынша көрсеткен қызметтері үшін, сондай-ақ астық түрінде тауарлық несие беру туралы шартқа қол қоюға жәрдемдескені үшін пара алды деп күдіктенді. Сотталғандарға қатысты сот шешімімен мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айыра отырып, жалпы сомасы 48 млн теңге айыппұл түрінде жаза тағайындалды", - деп хабарлады Сыбайлас жемқорлыққа қарсы іс-қимыл агенттігінде.

Қала прокуратурасы бас бостандығынан айыру жазасын өзгерту туралы үкімге апелляциялық өтініш жасады. Агенттікте атап өткендей, Қылмыстық кодекске сәйкес айыппұл белгіленген мерзімде төленбеген жағдайда жаза шарасы бас бостандығынан айыруға өзгертілетін болады.

Қазіргі уақытта үкім заңды күшіне енген жоқ.