ҚР президенті Қасым-Жомарт Тоқаев "Орталық Азия – Қытай" саммитінде өңірдегі азық-түлік қауіпсіздігі мен ауыл шаруашылығы өнімдерінің саудасын қамтамасыз ету үшін жаңа жобаларды іске асыруды ұсынды. Атап айтқанда, "Қорғас" халықаралық орталығының базасында ынтымақтастықтың үлкен резервтері бар.
"Ортақ мүдделерге сүйене отырып,"Қорғас" халықаралық сауда орталығының базасында бірлескен азық-түлік хабын құруды ұсынамын. АӨК саласына цифрлық және жасыл технологияларды енгізу мәселелеріне ерекше назар аудару қажет. Бұл жұмыста қытайлық серіктестердің тәжірибесі мен мүмкіндіктері үлкен сұранысқа ие болады", - деп хабарлады Ақорда мемлекет басшысының сөзін.
Қасым-Жомарт Тоқаев жаһандық азық-түлік нарығындағы құбылмалылық аграрлық саладағы ынтымақтастықтың маңыздылығын айқын көрсеткенін атап өтті. Қазақстан көрші елдерге АӨК тауарларын экспорттық жеткізу көлемін ұлғайтуға және құрылымын әртараптандыруға мүдделі. Біздің еліміз жыл сайын 5 млн тоннадан астам астық және 1,5 млн тонна ұн экспорттайтын әлемдегі ең ірі бидай және ұн өндірушілердің ондығына кіреді.
"Атап айтқанда, біздің фермерлер дәнді және майлы дақылдарды, жоғары сапалы және экологиялық таза ет және органикалық өнімдерді жеткізуді арттыруға дайын. Өз кезегінде, біз жеміс-көкөніс өнімдері мен азық-түлік тауарларын тұрақты сатып алуға мүдделіміз. Жалпы, мемлекеттеріміздің аграрлық саладағы өзара әлеуетін пайдалана отырып, біз бір-біріміздің азық-түлік қауіпсіздігімізді айтарлықтай нығайта аламыз", - деп атап өтті Қазақстан президенті.
