Қазақстанда астық өнімі 24 млн тоннадан асты

Қазақстанда 15,8 млн гектардан астам дәнді және бұршақты дақылдар жиналды. Орташа өнімділік 15,2 ц/га болғанда 24,1 млн тоннадан астам астық бастырылды, деп хабарлады Ауыл шаруашылығы министрлігінің баспасөз қызметі.

Бидай 12,7 млн га алқапта жиналды, өнімділігі 14,5 ц/га болғанда 18,4 млн тонна бастырылды. Арпа 2,1 млн гектарға жиналды, өнімділігі 17,1 ц/га болғанда 3,6 млн тонна бастырылды. Сұлы-177 мың га, өнімділігі 16,5 ц/га болғанда 292,2 мың тонна.

Майлы дақылдар 958,7 мың га алқапта жиналды. Орташа өнімділігі 11,1 ц/га болған кезде 1 млн тоннадан астам бастырылды.

Сонымен қатар, картоп шамамен 2,6 млн тонна (өнімділігі 232,5 ц/га), көкөністер - 2,9 млн тоннадан астам (273,3 ц/га) жиналды.

Егін жинау науқанына 149,9 мың трактор, 37,6 мың астық жинайтын комбайн, 14,9 мың орақ және 195 мың басқа техника жұмылдырылды.

2024 жылы көктемгі егіс және егін жинау жұмыстарын жеңілдетілген қаржыландыру көлемі 580 млрд теңгені құрады, бұл өткен жылдармен салыстырғанда үш есе көп.