Ақтөбе облысында қой жүнінен жылу оқшаулау өндірісі іске қосылады

Ақтөбе облысында итальяндық технология бойынша қой жүнінен жылу оқшаулағыш материалдар шығаратын зауыт салынады. Бұл туралы облыс әкімі Ералы Тоғжанов мәлімдеді, деп жазады "ҚазАқпарат"ХАА.

"Біздің еліміздегі үлкен проблемалардың бірі - қой жүнін өңдеу. Біз қайда барсақ та, қай ауылға барсақ та, барлығы қой жүнін өңдеуге қатысты бір сұрақ қояды. Бұл мәселені шешу үшін итальяндық компаниямен бірге қой жүнінен жылу оқшаулағыш материалдар шығаратын зауыт салуға ниетті", - деді ОКҚ брифингінде Ақтөбе облысының әкімі Ералы Тоғжанов.

Өңір басшысы әкімдік ауыл тұрғындарынан 2 мың тоннаға дейін жүн жинауға ниетті екенін атап өтті.

"Бұл туралы барлық ауыл тұрғындары хабардар етілді. Осы жылдың соңына дейін жобаны жүзеге асыру және зауыт салу жоспарлануда", - деді Ералы Тоғжанов.

Ақтөбе облысы экономиканың тұрақты өсімін көрсетіп отыр. Нақты секторда ауыл шаруашылығында өндіріс өсімі – 100,9%, инвестиция – 111,4%, құрылыс – 115%, тұрғын үй пайдалануға беру – 101,1%, Көлік және қоймалау - 113% қамтамасыз етілді.