Қарағанды облысында ауылдарда ауыл шаруашылығы кооперациясын дамытуға микрокредит алуға өтінімдер қабылдау басталды. Жоба жеті жылға созылады. Бұл туралы ekaraganda.kz хабарлайды.
Бағдарламаны іске асыру барысында Қазақстанда 1 млн-нан астам ауыл тұрғындарын қамту және 350 мыңнан астам жұмыс орнын құра отырып, барлық жеке қосалқы шаруашылықтардың жартысын кооперативтік кәсіпкерлікке тарту жоспарлануда. Жобаның мақсаты - шағын несиелеу есебінен ауыл шаруашылығы кооперациясын белсенді дамыту арқылы ауыл халқының табысын арттыру.
Қарағанды облысының Ауыл шаруашылығы басқармасында айтылғандай, бірнеше бағыт бойынша шағын несие беру жоспарлануда.
Мал шаруашылығы саласында ІҚМ, ұсақ мал, құс шаруашылығын өсіруге 789,2 млн теңгеге 276 шағын несие қарастырылған.
Өсімдік шаруашылығы саласында картоп, сәбіз өсіруге, жылыжай салуға 502 млн теңгеге 177 шағын несие қарастырылған.
Ауыл шаруашылығы өнімдерін қайта өңдеу саласында 968,8 млн теңге сомасына 35 шағын несие берілетін болады.
Техника мен аспалы жабдықты сатып алуға 840 млн теңге сомасына 75 микрокредит бөлінетін болады.
Сонымен қатар, ауыл шаруашылығына жатпайтын бизнес (тігін шеберханалары, наубайханалар, дүкендер) 300 млн теңгеге 90 шағын несие алады.
