Лизинг бойынша пайыздық мөлшерлемелер отандық және шетелдік өндірістің ауыл шаруашылығы техникасын сатып алу кезінде әр түрлі болады. Осы мақсатта Ауыл шаруашылығы министрлігі агроөнеркәсіптік кешен субъектілеріне несие беру, сондай-ақ ауыл шаруашылығы жануарларын, техника мен технологиялық жабдықтарды сатып алуға лизинг беру кезінде сыйақы мөлшерлемелерін субсидиялау қағидаларына өзгерістер енгізеді.
Қарыз шарттары бойынша қарыз алушы номиналды сыйақы мөлшерлемесінің 6% төлейді деп жоспарлануда:
ауыл шаруашылығы техникасы мен машиналарын, оның ішінде отандық өндірістің аспалы және тіркеме жабдықтарын сатып алу кезінде;
өндірушілер және/немесе олармен үлестес кәсіпорындар ҚР аумағында өздігінен жүретін ауыл шаруашылығы техникасының кемінде екі түрі бойынша өнеркәсіптік құрастыру туралы келісімдер жасасқан ауыл шаруашылығы техникасы мен машиналарын сатып алу кезінде.
Ауыл шаруашылығы техникасы мен машиналарын өндірушілердің, сондай-ақ олармен үлестес кәсіпорындардың тізбесі субсидиялаудың мемлекеттік ақпараттық жүйесінде орналастырылады.
Қарыздың қалған шарттары бойынша қарыз алушы номиналды сыйақы мөлшерлемесінің 15% төлейтін болады. Мемлекеттік бюджеттен Ұлттық Банктің базалық мөлшерлемесінің сомасы плюс жылдық 7,5% және қарыз алушы төлеген теңгедегі 15% арасындағы айырма нәтижесінде алынған номиналды сыйақы мөлшерлемесінің қалған бөлігі субсидияланатын болады.
