Аграрлық несие корпорациясы майлы дақылдарды сақтандыру бойынша өтінімдерді қабылдауды бастады. Өтінімдер Kezekte.kz сайтында 15 сәуірге дейін қабылданады.https://kezekte.kz/
Астық егетін өңірлердің: Ұлытау, Абай, Ақмола, Ақтөбе, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан облыстарының фермерлері егінді сақтандыра алады.
АНК ақпараты бойынша, дәнді дақылдарды құрғақшылықтан сақтандыру шарттарын жасасуға өтінімдерді қабылдау аяқталды. Фермерлер 322 мың гектар егінді сақтандырды. 142 сақтандыру шартының құны 2 млрд теңгеден асты, оның 80% мемлекет субсидиялады. Осылайша, фермерлер үшін сақтандыру полисін сатып алу құны мемлекеттік субсидиялар есебінен 1,7 млрд теңгеден астам сомаға төмендетілді.
Малшылар үшін сақтандыру бүкіл Қазақстан бойынша бір жыл ішінде қолжетімді. Фермерлер өз малдарын жұқпалы және аса қауіпті аурулардан, өрттерден, үшінші тұлғалардың қаскүнемдік әрекеттерінен, су тасқыны, топан су, сондай-ақ өмірмен үйлеспейтін жазатайым оқиғалардан және басқалардан сақтандыра алады.
Сақтандыру тәуекелдері бойынша барлық ақпарат порталдағы Qalqan онлайн-сақтандыру Kezekte.kz сервисінде қолжетімді.
