Қазақстанда 16,5 млн тонна астық бастырылды

Астық жинау Қазақстанның барлық өңірлерінде аяқталу сатысында тұр. Облыс әкімдіктерінің деректері бойынша 21 қарашаға орташа өнімділігі 9,7 ц/га болатын 16,9 млн га (99,1%) жиналды, бастапқы салмағында 16,5 млн тонна астық бастырылды. Оның ішінде 13,5 млн гектардан 11,5 млн тонна бидай бастырылды, орташа өнімділік – 8,5 ц/га. Бұл туралы Ауыл шаруашылығы министрлігінің баспасөз қызметі хабарлады.

Аграрлар майлы дақылдарды 2,2 млн га немесе 78,3% алқапқа жинады. Орташа өнімділігі 8,5 ц/га болған кезде 1,8 миллион тонна май тұқымы жиналды. Оның ішінде күнбағыс 845,7 мың га (74%) жиналды, орташа өнімділігі 11,2 ц/га 943,2 мың тонна бастырылды.

Сонымен қатар, картоп 182,4 мың га алаңнан толығымен жиналды, жалпы алым 200,4 ц/га өнімділікпен 3,6 млн тоннаны құрады. Көкөніс дақылдары 165,3 мың га алқаптан жиналып, жалпы түсім 4,3 млн тоннаны құрады, өнімділігі 262,4 ц/га.