Бүгінгі таңда қазақстандық фермерлер 12,7 млн тонна шөп дайындады, бұл осы жылға жоспарланған көлемнің 50,7% құрайды. Биылғы жылы өңірлердің жемшөп шығындарының құнын субсидиялауға 11,7 млрд теңге бөлінді. Қажет болған жағдайда облыс әкімдіктерінің қосымша қаражат жіберуге мүмкіндігі бар. Бұл туралы ҚР Ауыл шаруашылығы министрлігінің баспасөз қызметі хабарлады.
Ведомство биылдан бері алғаш рет жемшөп дайындау жұмыстарын жүргізу үшін ауыл шаруашылығы өндірушілері жеңілдікті дизель отынын ала алатынын атап өтті. Өтінімдерге сәйкес жанармайдың қажеттілігі 57,9 мың тонна көлемінде қалыптасты. Жөнелту қазірдің өзінде басталды.
Бұдан басқа, 2022 жылы Азық-түлік корпорациясы 235,2 мың тонна көлемінде жемшөп қорын қалыптастырды, оның қорлары қажет болған жағдайда мал және құс шаруашылықтарын арзандатылған бағамен қолдау үшін бағытталатын болады.
Құрғақшылықтан зардап шеккен өңірлерде "Бәйтерек" ҰБХ желісі бойынша фермерлердің несиелері бойынша қарыздарды ұзарту және қайта құрылымдау мүмкіндігі қарастырылуда. Сондай-ақ, Үкімет резервінен мал шаруашылығын субсидиялауға қосымша қаражат бөлу мәселесі пысықталуда.
Жамбыл, Қостанай, Түркістан және Ақмола облыстарында шөп дайындаудың жақсы қарқыны көрсетіліп отыр. Павлодар, Атырау, Маңғыстау және Шығыс Қазақстан облыстарында төмен қарқын байқалады.
«Шырынды жемнің негізгі бөлігі қыркүйек айында басталатын жүгері сүрлеміне келеді. Құрғақшылыққа байланысты жемшөп тапшылығы болжанбайды», - деп хабарлады Ауыл шаруашылығы министрлігі.
