Қазақстанда 2 млн тонна астық экспорты субсидияланады

Ауыл шаруашылығы министрлігі астық экспортының құнын арзандатуға субсидиялар төлеу қағидаларының жобасын әзірледі. Субсидиялар экспорттаушы компанияларға, сондай-ақ агроөнеркәсіптік кешен (Азық-түлік корпорациясы) саласындағы ұлттық компанияға төленетін болады.

Есептеулерге сәйкес, субсидияларды төлеу үшін республикалық бюджеттен 40 млрд теңге бөлу қажет болады, бұл 2 млн тонна астықты тасымалдауға арналған шығыстардың бір бөлігін өтеуге мүмкіндік береді. 2025 жылғы 1 қыркүйекке дейін әкетілген бидай субсидиялауға жатады. Экспорттаушыларға ішкі нарықты басып қалмау және артық астықты алу үшін мемлекеттік қолдау көрсетіледі.

Жеткізушілердің бидайды келесі бағыттар бойынша тасымалдауға байланысты шығындарын растайтын құжаттар негізінде Ауыл шаруашылығы министрлігі субсидиялар төлейтін болады:

• Ресей Федерациясының аумағы арқылы Азов, Қара және Балтық теңіздерінің порттары бағытында транзитпен - 20 мың теңге/тонна мөлшерінде;
• Ресей Федерациясы, Латвия, Литва және Эстония аумағы арқылы Балтық теңізі порттары бағытында транзитпен - 30 мың теңге/тонна мөлшерінде;
• Ресей Федерациясының аумағы арқылы транзитпен
• Латвияға, Литваға және Эстонияға -20 мың теңге/тонна мөлшерінде;
• Қара теңіз порттары бағытында Әзірбайжан мен Грузия аумағы арқылы транзитпен 30 мың теңге/тонна мөлшерінде;
• Ауғанстанға тағайындаумен Түрікменстан аумағы арқылы транзитпен - 20 мың теңге/тонна мөлшерінде;
• Түрікменстан арқылы транзитпен Иранға тағайындалумен -20 мың теңге/тонна;
• Қытай Халық Республикасының аумағы арқылы Оңтүстік-Шығыс Азия елдері бағытында транзитпен - 30 мың теңге/тонна;
• Әзірбайжанға, Грузияға және Арменияға - 20 мың теңге/тонна мөлшерінде.

Азық-түлік корпорациялары астықты Тәжікстанға, Түрікменстанға, Өзбекстанға және Қытайға субсидиялау нормативімен - 20 мың теңге/тонна жеткізу кезінде де сол бағыттар бойынша бидай экспортына арналған шығындарды субсидиялайтын болады.