Қазақстанда ауыл шаруашылығы мақсатындағы жерлерді 115,9 млн га алып жатыр. Олардың жай-күйін қадағалау үшін Жерді зерттеу жұмыстарын жүргізудің Мемлекеттік институты (ЖерЗЖМИ) мониторинг жүргізіп, топырақ және геоботаникалық зерттеулер жүргізуде. Осы жұмыстың нәтижесінде цифрлық ауыл шаруашылығы карталары жасалады, деп хабарлады ҚР АШМ баспасөз қызметінен.
АШМ деректері бойынша жел және су эрозиясына ұшыраған ауыл шаруашылығы алқаптарының жалпы ауданы 30,5 млн гектардан асады, оның ішінде егістік – 1,6 млн гектар. Қатты және орташа дәрежеде жапырылған жайылымдардың ауданы 26,6 млн гектарға жетеді
"Соңғы жылдары жердің деградациясының, су және жел эрозиясының даму тенденциясы байқалды, көптеген топырақтарда гумустың мөлшері 40-45% дейін төмендеді. Жайылымдардың деградациясы барлық құлатылған жайылымдардың 95%-дан астамы орналасқан жазық бөлігінде көбірек байқалады. Жердің тозуының және топырақ құнарлылығының төмендеуінің негізгі себептері климаттың өзгеруі, сондай-ақ табиғи ортаға антропогендік әсер ету болып табылады", - деп атап өтті Мемлекеттік жерді зерттеу институтының директоры Гүлжахан Бимендина.
