Ауыл шаруашылығы министрлігі дәнді және майлы дақылдардың тұқымдарын кептіруге жеңілдікті дизель отынын бөлуді көздейтін бұйрықтың жобасын әзірледі. Құжат "Ашық НҚА" порталында орналастырылған
Тұқымдарды кептіруге арналған дизель отыны егін жинау жұмыстарына бөлінген операторлардағы дизель отынының сатылмаған көлемі есебінен ауыл шаруашылығы өндірушілері арасында бөлінеді деп болжануда.
Бұйрық күшіне енгеннен кейін жергілікті атқарушы органдар ақпараттық жүйеде операторлардың тізбесін, дизель отынының қалдықтары мен мұнай базалары туралы деректерді орналастырады. Ауыл шаруашылығы өндірушілері үшін тұқымдарды кептіруге арналған отын көлемін қалыптастыру ақпараттық жүйеде өтінімдерді автоматты түрде қабылдау жолымен жүзеге асырылатын болады.
Өтініш берушілер астық сақтау қызметтерінің технологиялық кешенін (элеваторлар, астық қабылдау пункттері) жүзеге асыратын және меншік немесе жалға алу құқығында астық кептіргіші бар жеке және заңды тұлғалар бола алады.
Ауыл шаруашылығы өнімдерін өндірушілер үшін дизель отынының көлемін есептеу отын шығысының нормативін ескере отырып, автоматты түрде жүргізілетін болады.
Айта кетейік, Қазақстанда жаппай егін жинау жұмыстары басталған жаңбырға байланысты қиындады. Қазгидрометтің болжамы бойынша, 6 қыркүйекте Қазақстанның басым бөлігінде жауын-шашынмен тұрақсыз ауа-райы сақталуда, еліміздің шығысында күндіз қатты жаңбыр жауады деп болжануда.
