Қазақстанда қаңтар-шілде айларында 1,7 млн тонна ұн өндірілді - бұл өткен жылдың сәйкес кезеңімен салыстырғанда 3,7%-ға артық. Өткен жылдың жеті айында елімізде 1,6 млн тонна ұн өндірілді. Бұл туралы Ұлттық статистика бюросының баспасөз қызметі хабарлады.
Аталған кезеңде Қазақстанға 1,1% өсіммен 24,2 мың тонна ұн импортталды. Импорттың жалпы үлесіне осы өнімнің 1,4%-ы тиесілі болды.
Сонымен бірге экспортқа 1 млн тоннадан астам ұн жіберілді, бұл өткен жылдың сәйкес кезеңімен салыстырғанда 10,7% - ға артық.
Ішкі нарықта барлығы 716 мың тонна өнім сатылды. Бұл өткен жылмен салыстырғанда 5,1%-ға көп.
Бүгінгі таңда бірінші сұрыпты бидай ұнының бағасы ел бойынша орташа есеппен бір килограмына 225 теңгені құрайды.
