ҚазАЗТУ-ға алты ғылыми ұйым қосылды

Сәкен Сейфуллин атындағы Қазақ агротехникалық зерттеу университетінің (ҚазАТЗУ) құрамына алты ғылыми ұйым, оның ішінде үш ауыл шаруашылығы тәжірибелік станциясы (АШТС) енгізілген. Бұл туралы университеттің баспасөз қызметі хабарлады.

ҚазАТЗУ құрамына: Шығыс Қазақстан АШТС, Қарабалық АШТС, Павлодар АШТС, Солтүстік Қазақстан ауыл шаруашылығы ғылыми-зерттеу институты, "Асыл түлік" РҚАО және Кондратьев тәжірибелік-көрсеткіштік орман тәлімбағы кірді.

Бұл институттар бұрын Ұлттық аграрлық ғылыми-білім беру орталығының құрылымында жұмыс істеген. Ғылыми ұйымдарды жоғары оқу орындарына беру білім беру, зерттеу қызметі мен өндіріс арасында берік байланыс орнатуға бағытталған, деп атап өтті баспасөз қызметі.

Бұған дейін ҚазАТЗУ құрамына үш ҒЗИ енгізілді: А.И.Бараев атындағы Астық шаруашылығының ғылыми-өндірістік орталығы, Қазақ орман шаруашылығы және аграрлық орман мелиорациясы ғылыми-зерттеу институты және Солтүстік Қазақстан ауыл шаруашылығы тәжірибе станциясы. Қазір университет тоғыз ғылыми-зерттеу институтымен іргелі ғылым орталығына айналды.

"2030 жылға қарай ҚазАТЗУ жоғары білім беру саласындағы ғылыми-техникалық шешімдерді, озық зерттеулерді, жаһандық және ұлттық міндеттерді шешуді қамтамасыз ете алатын әлемдегі ең ірі кәсіби зерттеу университеттерінің біріне айналады", - деді ҚазАТЗУ басқарма төрағасы - ректор Қанат Тіреуов.