Қазақстандағы алғашқы құс етінен жартылай фабрикаттар шығаратын "IL TOV" ЖШС зауыты Ақмола облысында, Қосшы қаласында пайдалануға берілді. Кәсіпорынға облыс әкімі Марат Ахметжанов келді, деп хабарлады әкімдіктің баспасөз қызметі.
Жобаның құны 3 млрд теңгені құрады. Кәсіпорынның қуаттылығы - жылына 3 мың тоннадан астам дайын өнім. Зауыт бірнеше ай бұрын жартылай фабрикаттардың алғашқы партиясын шығарды.
Өндіріс желісі Германия мен Испанияның заманауи жоғары технологиялық жабдықтарын қолданады. Зауытта 80 адам жұмыс істейді, өндірістің бірінші желісіне 90-ға дейін адам қабылданады.
Зауыт директоры Сания Омаровтың айтуынша, шикізатты қазақстандық Макинск құс фабрикасы қамтамасыз етеді, дәмдеуіштер мен қаптамасы қазақстандық өнім.
"Біздің зауыт - жергілікті өнім өндіруге, қазақстандық қамтуды арттыруға және осы сегменттегі импорттың елеулі үлесін ауыстыруға мүмкіндік беретін мемлекеттің қолдауымен іске асырылатын инвестициялық жоба. Біздің компания мемлекет басшысының импортты алмастыру жөніндегі тапсырмасын жүзеге асырады деп айтуға болады", - деді Сәния Омарова.
IL TOV компаниясының алдағы жоспарларында тағы екі желіні қойып, 10-12 мың тонна өндіріс қуаттылығына шығу жоспарлануда, қосымша инвестиция көлемі шамамен 4 млрд теңгені құрайды.
Зауыт өнімдері негізінен Қазақстанның ірі қалаларында сатылады, болашақта Өзбекстан мен Ресейге экспорт жоспарлануда.
Облыс әкімі кәсіпорынның жұмысына оң баға берді.
"Бұл Қосшы қаласында өндірілген алғашқы өнім. Жаңа және сапалы жартылай фабрикаттар жақын арада Қосшы қаласының брендіне айналуы тиіс", - деп атап өтті Марат Ахметжанов.
