Тауарлар
Қызметтер
Тасымалдау қызметі
Қостанай облысында фермерліктің жаңа түрі – азық-түлік мақсаттары үшін құрлық ұлуларын ұстау және өсіру пайда болды. Облыстық ветеринария басқармасында осындай өнімді сатуға құқық беретін ветеринариялық анықтаманы қалай алу керектігі айтылды.
"Ветеринариялық заңнамаға сәйкес, қабыршақтағы немесе қабыршақсыз моллюскалар ветеринариялық бақылауға жататын тауарлардың бірыңғай тізіміне енгізілген. Ұлулар азық-түлік мақсаттары үшін ұсталған жағдайда, олар жануарлардан алынатын өнімдерге жатады және ел аумағы бойынша одан әрі сату мақсатында ветеринариялық анықтаманың болуы қажет", - деп еске салды басқармада.
Ведомствода мұндай анықтаманы аудандар мен қалалардың ветеринариялық станцияларының мамандары ветеринариялық-санитариялық сараптама негізінде беретіні нақтыланды. Қостанай облысында моллюскаларға ветеринариялық-санитариялық сараптама Республикалық ветеринариялық зертхананың өңірлік филиалында жүргізіледі. Ол үшін аудандар мен қалалардың ветеринариялық инспекцияларының мамандары жүргізетін өнім сынамаларын алуды жүзеге асыру қажет.
