Тауарлар
Қызметтер
Тасымалдау қызметі
Қызылордада Kaz Fries мұздатылған фри картобын өндіретін зауыт пайдалануға берілді. Бұл туралы облыс әкімінің баспасөз қызметі хабарлады.
Зауытты "Абай Дәулет" ЖШС іске қосты. Компания күріш, ет және көкөніс өндірісімен айналысады. Жаңа зауытта сағатына 300 кг өнім өндірілетін болады. Өндірісте 18 адам жұмысқа орналастырылды.
"Жаңа зауыттың жартылай фабрикаты халыққа қолжетімді бағамен сатылатын болады. Аталған бастамалар жалғасатынына, зауыт өнімдері көрші өңірлерге және шет елдерге экспортталатынына және өндірісті іске қосу облыстың экономикалық дамуына үлкен үлес қосатынына сенімдімін", - деді кәсіпорынды іске қосу рәсімінде облыс әкімі Нұрлыбек Нәлібаев.
Жалпы өңірде өңдеуші өнеркәсіпті дамытуға бағытталған "Бірыңғай жалпыұлттық жобалар пулы" және "Индустрияландыру картасы" шеңберінде құны 980 млрд теңге болатын 46 жобаны іске асыру жоспарлануда. Аграрлық салада күріш өңдеу және балық ұнын өндіру зауыттары ашылды. Жыл соңына дейін экспортқа бағдарланған құс фабрикасы, көкөніс қоймалары және үш күріш өңдеу зауыты іске қосылады. Сонымен қатар, сүт өңдеу цехының жұмысы басталады.
