Түркістан облысында Төлеби ауданы әкімдігінің лауазымды тұлғаларына қатысты аса ірі мөлшердегі алаяқтық фактісі бойынша сотқа дейінгі тергеу басталды. Олар ауданның арнайы жер қорынан перспективалы жер беру туралы заңсыз актілер жасады деп күдіктелуде. Бұл туралы облыстық прокуратураның баспасөз қызметі хабарлады.
"Қылмыстық іс бойынша жер қатынастары бөлімінің басшысы өзінің қызметтік жағдайын пайдалана отырып, өзінен бұрынғылармен алдын ала сөз байласу арқылы оған нарықтық құны 326 млн теңгені құрайтын 200 гектардан астам құнарлы жер учаскелерін заңсыз ресімдеді деп күдіктенеді", - деп нақтылады прокуратурада.
Облыс прокуратурасының сотқа дейінгі тергеп-тексеру басқармасы күдіктілерді уақытша ұстау изоляторына қамады. Қазіргі уақытта басқа адамдардың осы қылмысқа қатыстылығын анықтауға бағытталған тергеу әрекеттері жүргізілуде.
