Қазіргі уақытта Солтүстік Қазақстан облысында үш ауылда бруцеллез бойынша шектеулер бар. Бұл туралы "ҚазАқпарат" ХАА хабарлады.
Аққайың ауданында ірі қара малдың бруцеллез ауруының 63 жағдайы тіркелді. Ветеринария басқармасының баспасөз қызметінің мәліметінше Ленинское ауылында аурудың өршуі байқалады, онда тоғыз ауру мал басы анықталған. Елді мекенде шектеу шаралары енгізілді. Әзірге мұнда сүт, ет сатып алынбайды және ауыл шаруашылығы өнімдерін әкетуге тыйым салынады.
Облыс бойынша шектеулер Аққайың ауданының Ленин және Камышлово елді мекендерінде, сондай-ақ Ақжар ауданының Талшық ауылының үш көшесінде қолданылады. Олар малды толық тексергеннен кейін алынып тасталады.
Жыл басынан бері облыс бойынша бес ауданда бруцеллезге оң жауап беретін 170 бас ІҚМ анықталды. Өткен жылмен салыстырғанда ауру төрт есе аз.
