TURAN арнайы экономикалық аймағында маусым айында мақта-тоқыма кластерін құру аясында кәсіпорынның құрылысы басталады. Жобаның құны 400 млн долларды құрайды, өндірісте 4 мың жұмыс орны құрылады. Бұл туралы Түркістан облысы әкімінің баспасөз қызметі хабарлады.
TURAN АЭА-дағы жаңа кәсіпорын тоқыма жіп иіруден, мата тоқудан бастап киім тігуге дейінгі өндіріс кезеңдерін толық қамтитын болады.
Түркістан облысы - мақта өсірілетін және өңделетін Қазақстанның жалғыз өңірі. Өңірде жылына 100 мың тоннадан астам мақта талшығын өндіретін 23 мақта өңдеу кәсіпорны жұмыс істейді.
TURAN арнайы экономикалық аймағының аумағында қолайлы инвестициялық жағдайлар жасау мақсатында инвестициялық жеңілдіктер ұсынылуда.
