Түркістанда Қазақстан Республикасы Ауыл шаруашылығы ғылымдары академиясының Ясауи білім тарату орталығы ашылды. Бұл туралы облыс әкімінің баспасөз қызметі хабарлады.
Орталық директоры болып Битөре Жұмақанов тағайындалды.
"Ясауи білім тарату орталығының негізгі мақсаты - ауыл шаруашылығы саласындағы ақпаратты уақтылы насихаттау, әлемнің жетекші елдерінің тәжірибесін ескере отырып, қажетті ғылыми жаңалықтарды жұртшылыққа жеткізу, өндірістегі озық отандық білім мен технологияларға жедел қол жеткізуге жәрдемдесу", - деп хабарлады баспасөз қызметі.
Орталықтың ашылу салтанаты "Жасыл желектерді дамыту жолымен экологиялық жағдайды жақсарту және ауыл шаруашылығын дамыту мәселелері" атты ғылыми-практикалық конференция аясында өтті. Сондай-ақ кездесу барысында ҚР Ауыл шаруашылығы ғылымдары академиясы мен Қ.А.Яссауи атындағы Халықаралық қазақ-түрік университеті арасында ынтымақтастық туралы Меморандумға қол қойылды.
