Тауарлар
Қызметтер
Тасымалдау қызметі
Түркістан облысында заманауи көкөніс қоймасының құрылысы басталды. Кеше вице-премьер Серік Жұманғарин мен аймақ басшысы Дархан Сатыбалды қатысуымен болашақ нысанның капсуласын қалау рәсімі өтті. Бұл туралы премьер-министрдің баспасөз қызметі хабарлады.
"Жобаны "Түркістан" әлеуметтік-кәсіпкерлік корпорациясы жүзеге асыруда. Жобаның серіктесі - "М-Адал" ЖШС. Нысанның ауданы 3264 шаршы метрді құрайды, онда жылына 4 мың тоннаға жуық көкөніс сақтау жоспарлануда. Көкөніс қоймасы тоғыз үлкен тоңазытқыш камерасымен жабдықталатын болады. Құрылысты аяқтаудың болжамды мерзімі - 2024 жылдың I жартыжылдығы", - деп хабарлады баспасөз қызметі.
Түркістан облысының әкімі атап өткендей, өңір еліміздегі жеміс-көкөніс өнімдерінің негізгі жеткізушісі болып табылады. Мұнда жылыжайларға 1 569 га бөлінген, барлығы 3 366 кешен немесе елдегі барлық жылыжай шаруашылықтарының 71%-ы орналасқан. Сонымен қатар, олардың саны Қазақстанда өсуде.
Өз кезегінде Серік Жұманғарин елімізде жылыжай бизнесін дамыту үшін барлық жағдай жасалып жатқанын айтты.
"Біз жылыжайлар үшін ұлттық стандартты әзірледік, бұл осы бағытты субсидиялауға мүмкіндік береді. Шұбаркөл көмір разрезімен жылыжай бизнесіне көмірді тікелей сату мүмкіндігі туралы уағдаластықтарға қол жеткізілді. Бүгінгі таңда шаруашылықтар қатты отынның 50% ғана сатып алды", - деді Серік Жұманғарин.
