Қазақстанның оңтүстік өңірлерінде 311,4 мың га егілді

Қазақстанның оңтүстік өңірлерінде аграрийлер қазірдің өзінде 311,4 мың га егіп үлгерді, олардың басым бөлігі дәнді және жемшөп дақылдары. Жалпы, бүкіл ел бойынша 23,4 млн га егу жоспарлануда. Биыл дәнді, жемшөп, көкөніс және бақша дақылдарының егіс алқаптары ұлғаяды. Бұл туралы ҚР Ауыл шаруашылығы министрлігінің баспасөз қызметі хабарлайды.

Барлық дерлік техника жаппай егуді бастауға дайын. Ауыл шаруашылығы құрылымдарында барлығы 160 мың трактор, 5 мыңнан астам жоғары өнімді егіс кешені, 78 мың сепкіш және 226 мың топырақ өңдеу құралдары бар.

Өңірлерге егіс жүргізуге 413 мың тонна жеңілдікті дизель отыны бөлінді: өткен жылғы деңгейден 13 мың тоннаға артық. Жанармай бағасы ақпаннан сәуірді қоса алғанда белгіленген. Операторлардың шығындарын ескере отырып, ауыл шаруашылығы өндірушілері үшін дизель отынының орташа құны 204 теңгені/литрі құрайды. Бүгінгі таңда өңірлерге шамамен 163 мың тонна отын немесе жоспардың 44% жөнелтілді.

Дизель отынын мақсатсыз пайдалануды болдырмау үшін операторларға МӨЗ-ден жөнелту электрондық шот-фактуралардың ақпараттық жүйесінде жеке виртуалды қойма құру, сондай-ақ арнайы бояғыштар қосу шартымен жүзеге асырылады. Бұдан басқа, ауыл шаруашылығы жұмыстарына тиелетін дизель отынының көлеміне МӨЗ-ге жеке ПИН-код беріледі.

Сондай-ақ, АШМ биыл 700 мың тоннадан астам тыңайтқыш енгізу жоспарланғанын хабарлады, оның 63% - ы отандық аммиак селитрасы мен аммофосқа тиесілі. Бүгінгі таңда көктемгі егіс жұмыстарын жүргізу үшін аграрийлерге 177,3 мың тонна жөнелтілді. Жергілікті бюджеттерде тыңайтқыштарды сатып алуды субсидиялау бағдарламасына 31,3 млрд теңге қарастырылған.

"Кең дала" бағдарламасы бойынша көктемгі науқанды қаржыландыруға 140 млрд теңге қарастырылған, оған 2 млн га алқапқа егіс егуді қамтамасыз ете отырып, 3200-ден астам фермерді қамту жоспарлануда. Аталған қаражаттың бөлінуін күтпестен Аграрлық несие корпорациясы қолда бар ресурстар есебінен қаржыландыруды өткен жылдың желтоқсан айынан бастады. Қазіргі уақытта 149,7 млрд теңгеге 4133 өтінім келіп түсті.

Сондай-ақ, жалпы сомасы 20 млрд теңгеге жуық форвардтық сатып алу бағдарламасы жалғастырылатын болады. Бұдан басқа, Азық-түлік корпорациясы 300 мың тонна астық көлемінде ірі ауыл шаруашылығы өндірушілеріне шамамен 35 млрд теңге сомаға егісті сату және кейіннен қаржыландыру үшін тауарлық несиелер береді.