Жамбыл облысында 201,2 мың га ауыл шаруашылығы жері тәркіленді

Жамбыл облысында 2023 жылы мақсатына сай пайдаланылмайтын 201,2 мың га ауыл шаруашылығы жерлері мемлекеттік меншікке қайтарылды. Бұл туралы облыс әкімдігінің баспасөз қызметі хабарлады.

Жер қатынастары басқармасының мәліметінше, 201,2 мың га бұрын 530 адамға тиесілі болған.

Мемлекет меншігіне Мойынқұм ауданында 41,8 мың га, Сарысу ауданында 31,6 мың га қайтарылды. Сондай-ақ, осындай жұмыс Байзақ, Жамбыл, Меркі, Т. Рысқұлов, Жуалы, Қордай, Талас, Шу аудандарында жүргізілді.

Биыл облыста 80 мың гектарға жуық жерді алып қою жоспарлануда.