Астанада 29-30 қарашада Jańa Dala/Vet Astana '2023 көрмесі, сондай-ақ "Ветеринариялық қауіпсіздік - мал шаруашылығын дамытудың негізі" халықаралық конференциясы және "Қазақстандағы эпизоотиялық жағдайды талдау және болжау" дөңгелек үстелі өтеді. Бұл туралы көрмені ұйымдастырушы EXPO TIME компаниясы хабарлайды.
Компания соңғы жылдары Қазақстан өңірлерінде түрлі инфекциялар тіркеле бастағанын атап өтті, бұл қоғамда алаңдаушылық туғызады. Күрделі эпизоотиялық жағдайды ескере отырып, Қазақстанның ветеринариялық палатасы, ветеринариялық қауымдастық, ұлттық ветеринариялық палата, Батыс Қазақстан облысының ветеринариялық дәрігерлер қауымдастығы ҚР ветеринариясындағы өзекті мәселелер бойынша дөңгелек үстел өткізу қажеттігі туралы ортақ пікірге келді.
Талқылауға Ветеринариялық бақылау және қадағалау комитеті және оның құрылымдық бөлімшелері, ІҚМ ет және сүт тұқымдарының республикалық палаталары, құс өсірушілер одағы, оқу орындары, фермерлік шаруашылықтар және ветеринариялық практик мамандар шақырылды.
Еліміздің ветеринариясындағы ағымдағы жағдайды талқылау, қатысушылардың пікірлерін тыңдау және республикадағы эпизоотиялық жағдайды жақсарту бойынша ұсыныстар жіберу жоспарлануда.
Өз кезегінде ветеринария жөніндегі конференцияның мақсаты көрме қатысушыларын жануарлар ауруларының тиімді алдын алуға және емдеуге бағытталған инновациялар туралы хабардар ету болып табылады. Спикерлер ретінде отандық мамандар, жақын және алыс шетелдердің ветеринария өкілдері сөз сөйлейді.
Конференция жұмысы 29-30 қарашада өтеді.
